تبادل
لینک هوشمند
بير دايان
زبانحال حضرت زينب كبري(ص)درآخرين وداع حضرت ابا عبد الله الحسين
اي پادشاه انس وجان،اي جان جانان بيردايان
اي عالمي آغلار قويان،سلطان دوران بير دايان
اولمازبئله نالان حسين،ساخلا قدم بير آن حسين
جانيم سنه قربان حسين،دلخسته سلطان بير دايان
هجرانه نيليم ، صبرائله ، نوردوعينيم صبر ائله
بيكس حسينيم صبرائله،پوزقون گلستان بير دايان
اي دادخواهيم گتمه دور،پشت وپناهيم گتمه دور
يوخدورسپاهيم گتمه دور،غوغادي ميدان بيردايان
بومحنته يوخدي دوزوم،گتمه اخاچوخدي سوزوم
اولام سنه قوربان ئوزوم،شاه لب عطشان بيردايان
قوزاتما لبيكين سسين،سنسيزبو زينب نيله سين
بيماره دردين سويله سين؟ اي ماه تابان بير دايان
اي دايه سي روح الامين،سنسن بوگون قوربان دين
تاب ائتمين داغلارغمين،اي تشنه قربان بيردايان
عزت وئره ن حرّيته ، تاج شر افت خلقته
انديرمه ين باش ذلته ، اي فخر انسان بير دايان
ئولموش علمدارين سنين،يوخدورهوادارين سنين
اوللام جلو دارين سنين، قلبيم اولور قان بير دايان
گتسن حرم باشسيز قالار،زينب قارا معجر سالار
اخياميمي دوشمن تالار،اي غسلي آلقان بير دايان
ساخلا اياق شاه زمن ، باشي بلالي ممتحن
وئرم سنه بير پيرهن ،معناده قرآن بير دايان
اي مرتضا دردانه سي،اي فاطمه ريحانه سي
اي محنتين پيمانه سي،صبر ايله بير آن،بير دايان
ياهو چكير آهولرين،قان آغليري مه رولرين
قيزلار يولور گيسولرين ، ايليرله افغان بير دايان
سينمده قالدي اللريم،سولدي سارالدي گوللريم
غمدن سوسوب بلبل لريم،اولدوم پريشان بيردايان
قوي الرين بو سينه مه، وئربير جلا ، آيينه مه
بير سوزدئنن سكينمه مه،مظلوم دوران بير دايان
قانيله پيمان باغلادان ،عالملري قان آغلادان
زهراني هرآن آغلادان،هردرده درمان بير دايان
ئاخير ائله در ديم دئييم ، قرآن حمايل ايلي ييم
سنسيزبوچولده نيلييم،چوخ چوخدي عدوان بيردايان
زينب فداديرجانيوه ،پوزقون اولان گولشانيه
يتمي ا يكي قور بانيوه ، شاه شهيدان بير دايان
حسرتلي قلبيم اودلانار، احواليمي دشمن قانار
افغانيمه ،سائل يانار،لب تشنه سلطان بير دايان
شاعر :جعفر قاسمي
متشکرم
نظرات شما عزیزان:
سرباز گم نام امام زمان 
